THE TEA SELLER.

ಚಹಾ ಮಾರುವ ಹುಡುಗ... 


        ನಸುಕಿನಲ್ಲ್ಲಿನಗರದ ಹೃದಯಭಾಗದಲ್ಲಿ  ಕಾರ್ಯನಿಮಿತ್ತವಾಗಿ  ಸಾಗುತ್ತಿದ್ದ ನನಗೆ   ಟ್ರಾಫಿಕ್ ನಿಲುಗಡೆಯೊಂದರಲ್ಲಿ ರಸ್ತೆ ದಾಟುತ್ತಿದ್ದ ಈ ಚಹಾ ಮಾರುವ ಹುಡುಗ ಕಂಡನು.  ಅಲ್ಲಲ್ಲಿ ತನಗೆದುರು ಕಂಡ ಜನರನ್ನು  ಬಿಡದೆ  ಚಹಾ ಬೇಕೇ ಎಂದು ವಿಚಾರಿಸುತ್ತಾ ತನ್ನ ವ್ಯವಹಾರವನ್ನು ನಡೆಸಿದ್ದನವನು.  ತಟ್ಟನೆ ಏನೋ ಹೊಳೆದಂತಾಗಿ ನನ್ನ ವಾಹನವನ್ನು ನಿಲ್ಲಿಸಿ,  ಅವನು ರಸ್ತೆ ದಾಟುವುದರೊಳಗಾಗಿ ನನಗೆ ಸರಿಕಂಡ ಆಯಕಟ್ಟಿನ ಸ್ಥಳದಲ್ಲಿ ಬಂದು ನಿಂತು ಕಾದೆ.  ಅಷ್ಟುಹೊತ್ತಿಗಾಗಲೇ ಟ್ರಾಫಿಕ್ ಸಿಗ್ನಲ್ ವ್ಯವಸ್ಥೆ  ಕಾರ್ಯಾರಂಭಿಸಿತ್ತು. ಅವನು ರಸ್ತೆ ದಾಟುವುದಕ್ಕೂ ಹಿಂದೆ ಬರುತ್ತಿದ್ದ ವಾಹನಗಳು ನಿಲ್ಲುವುದಕ್ಕೂ ಸರಿಹೋಯಿತು. ಕೈಲಿದ್ದ ಕ್ಯಾಮರಾ ಹಲವು ಸಲ ಕ್ಲಿಕ್ಕಿಸಿತು.  ಅದರ ಫಲಿತವು ಇಲ್ಲಿದೆ.  

       ಮೊದಲನೆಯದಾಗಿ, ಆ ಹುಡುಗನ ಜೀವನಶ್ರದ್ಧೆ ಇಷ್ಟವಾಯಿತು. ಮುಂಜಾವಿನ ಚಳಿಗೆ ಲೆಕ್ಕಿಸದೆ ಹೊಟ್ಟೆಪಾಡಿನ ಬಗ್ಗೆ ಗಮನವಿಟ್ಟದ್ದು  ಧನಾತ್ಮಕವೆನ್ನಿಸಿತು.  ಎರಡನೆಯದಾಗಿ,  ಹಿನ್ನೆಲೆಯಲ್ಲಿ ಸಾಲುಗಟ್ಟಿರುವ ವಾಹನಗಳು-   ಮುಂಚೂಣಿಯಲ್ಲಿರುವ ಮೂರರಲ್ಲಿ ಎರಡು ಸರಕುಸಾಗಣೆ ಮಾಡುವ ವಾಣಿಜ್ಯವಾಹನಗಳು,  ಆಗಲೇ  ತಮ್ಮ ವಹಿವಾಟು ಪ್ರಾರಂಭಿಸಿಕೊಂಡಿವೆ. ಅವುಗಳ ಪ್ರಖರವಾದ ಹೆದ್ದೀಪಗಳು ರಸ್ತೆಯುದ್ದಕ್ಕೂ  ಚಾಚಿವೆ, ಈ ಹುಡುಗನ ಆಕೃತಿಯನ್ನು ಹಿಂದಿನಿಂದ ಪ್ರಕಾಶಿಸುತ್ತಿವೆ. ಮೂರನೆಯದು- ಸಮಷ್ಟಿಯಾಗಿ  ಈ ಎರಡೂ ಅಂಶಗಳು ಸೇರಿ ಒಟ್ಟಾಗಿ ಕಟ್ಟಿಕೊಡುವ ಚಿತ್ರಣ:-  ದೊಡ್ಡಮಟ್ಟದಲ್ಲಿ ವಹಿವಾಟು ನಡೆಸುವ  ಉದ್ಯಮಿಗಳ ನಡುವೆ, ನಗಣ್ಯರೆನ್ನಿಸುವ  ಇಂಥಾ ಸಣ್ಣ ವೃತ್ತಿಪರರು  ಗಮನ ಸೆಳೆಯುತ್ತಾರೆ.  ಇವನು ಎಂದು ಹೇಳದೇ ಇವರು ಎಂದು ಬಹ್ವೀಕರಿಸುವ  ಹಾಗೂ  ಇಂಥವರನ್ನು  ವಿಶೇಷೀಕರಿಸುವ ಉದ್ದೇಶದಿಂದಲೇ   ಈ ಚಿತ್ರದಲ್ಲಿ  "ಹಿಂದೀಪ್ತ" [backlighted] ಎನ್ನುವ ತಂತ್ರವನ್ನು ಬಳಸಿದ್ದು;  ಅದರಿಂದ ಆ ಹುಡುಗನ ಮುಖ ಕಾಣಿಸದೇ  ಉಳಿಸಿದ್ದು ಮತ್ತು ಹಾಗೊಂದು ಸಂಯೋಜನೆ ಉಂಟಾಗುವುದಕ್ಕಾಗಿಯೇ  ಆಯಕಟ್ಟಿನ ಜಾಗ ನೋಡಿ ಕಾಯ್ದಿದ್ದು. 

Comments

Post a Comment

Popular posts from this blog

KODIBAYI KATTE AREA.

Image
ಕಾಲುವೆ-ಕಾಲುದಾರಿ.          ಕೆ. ಆರ್. ಎಸ್ ಪರಿಸರದಲ್ಲಿನ ವಿಶ್ವೇಶ್ವರಯ್ಯ ಕಾಲುವೆಯ ಪಕ್ಕದ ದಾರಿಯಲ್ಲೇ  ಸಾಗಿದರೆ, ಬಲಗಡೆ ತುಂಬುಹಸಿರು ನಮ್ಮ ಮನಸೂರೆಗೊಳ್ಳುತ್ತದೆ.  ಈ ದಾರಿ ಕಾಲುವೆಯ ಏರಿಯೂ ಹೌದಾದ್ದರಿಂದ  ಈ ಭಾಗಕ್ಕೆ  ಸ್ವಲ್ಪ ಎತ್ತರದಲ್ಲಿದೆ. ಹಾಗಾಗಿ, ಈ ಬಲಗಡೆಯ ಜಮೀನುಗಳೆಲ್ಲಾ ತಗ್ಗಿಗೆ ಬರುತ್ತವೆ. ಇಲ್ಲಿ ಕಾಣುತ್ತಿರುವ  ಕಾಲುದಾರಿ  ಕೋಡಿಬಾಯಿಕಟ್ಟೆಗೆ ಸಾಗುವುದು.  ಈ ಕೋಡಿಬಾಯಿಕಟ್ಟೆಯ ಕಾಲುದಾರಿ ಬಗ್ಗೆ, ಆದರ  ಅಕ್ಕಪಕ್ಕ ಸಿಗುವ ದೃಶ್ಯಗಳ ಬಗ್ಗೆ " ವಿಪ್ರೇಕ್ಷ್ಯ "ದಲ್ಲಿ ವಿವರವಾದ ಚಿತ್ರಮಾಲಿಕೆಯನ್ನೇ  ಹಿಂದೆ ಟಂಕಿಸಿರುವೆನು.  ಇಲ್ಲಿ  ಆ ಮಾರ್ಗದ ಒಂದು ಭಾಗವನ್ನು, ಅದೂ ದೂರದರ್ಶಿ ಲೆನ್ಸ್ ಗೆ  ದಕ್ಕಿದ್ದನ್ನು  ಪ್ರಸ್ತುತ ಪಡಿಸುತ್ತಿದ್ದೇನೆ.          ನನಗೆ ಟೆಲಿಫೋಟೋ ಲೆನ್ಸ್ ಗಳ  ಬಗ್ಗೆ  ತೀವ್ರವಾದ ಆಸಕ್ತಿಯಿದೆ.  ಒಂದಾನೊಂದು ದಿನ ಹೀಗೇ  ಅತಿ ಪ್ರಾಥಮಿಕವಾದ EF-S 55-250 IS ಲೆನ್ಸನ್ನು ಒಯ್ದಿದ್ದೆ. ಏರಿನ ಮೇಲಿರುವ ದಾರಿಯಿಂದ ನೋಡುವಾಗ  ಕೆಳಗೆ ಕಂಡ ನೋಟವೇ  ಈ ಚಿತ್ರ.  ಸುತ್ತಲಿನ ಹಸಿರಿನ ಮಧ್ಯೆ  ಅಂಕುಡೊಂಕಾಗಿ ಸಾಗುವ  ಕಿರುಗಾಲುವೆ, ಮತ್ತದರ ಸಾಂಗತ್ಯದಲ್ಲೇ ಸಾಗು...
Read more

PRAYING BEFORE GOD....

Image
ಸೂರ್ಯದೇವನ ಮುಂದೆ ಪ್ರಾರ್ಥನೆ...          ಅದೇ ಕೋಮಾಛಾಯಾ ಕಾರ್ಯಕ್ರಮದಂದೇ ಕಣ್ಣಿಗೆ ಬಿದ್ದ ಮತ್ತೊಂದು ದೃಶ್ಯವಿದು.  ಸಾಮಾನ್ಯವಾಗಿ ಲಲಿತಮಹಲ್ ಆಸುಪಾಸಿನಲ್ಲಿ  ಸುಂದರವಾದ ಸೂರ್ಯೋದಯ-ಸೂರ್ಯಾಸ್ತಗಳು ಕಣ್ಣುತುಂಬುತ್ತವೆ.  ಈ ಸಲ  ಹೀಗಾಯಿತು- ಕ್ಯಾಮೆರಾವನ್ನು ಹೊಂದಿಸಿಕೊಳ್ಳುತ್ತಿದ್ದ ನನ್ನ ಪಕ್ಕದಲ್ಲಿ ಒಬ್ಬರು ನಡೆದು ಹೋದರು,  ಬಾಯಲ್ಲಿ ಏನೋ ಮಣಗುಟ್ಟುತ್ತಿದ್ದು, ಕೈಗಳಲ್ಲಿ ಜೋರಾಗಿ ಚಪ್ಪಾಳೆ ತಟ್ಟುತ್ತಾ ನಡೆದಿದ್ದರು. ನಾನು ನಿಂತಿದ್ದ ನೆಲೆಗಿಂತ ಸ್ವಲ್ಪ ಎತ್ತರವಾದ, ದಿಗಂತದಂಚು ಎನ್ನಬಹುದಾದ,  ಪ್ರದೇಶವನ್ನು ಸೇರಿ ಸೂರ್ಯನೆಡೆಗೆ ಕೈ ಮುಗಿದು ನಿಂತು ಹಾಗೇ ಪ್ರಾರ್ಥಿಸುತ್ತಿದ್ದರು.  ನಾನು ಬೇರೆ ಬೇರೆ ಸಂಯೋಜನೆಗಳನ್ನು ಮಾಡಿ ಕೊನೆಗೆ ಅವರನ್ನೂ ಸೇರಿಸಿಕೊಂಡು ಚಿತ್ರಿಸುವವರೆಗೂ ಅವರಲ್ಲೇ ನಿಂತಿದ್ದರು.  ನಾನು ಬಳಸುತ್ತಿದ್ದುದು ದೂರದರ್ಶಿ ಮಸೂರವಾದ್ದರಿಂದ ಅವರಿಗೆ ತಾವೂ  ಈ ಚಿತ್ರದ ಭಾಗವಾಗಿರುವುದು ತಿಳಿಯುವ ಸಾಧ್ಯತೆಯೇ ಇರಲಿಲ್ಲ.         ಈ ಚಿತ್ರದಲ್ಲಿ ಇರುವುದು ಮೂರೇ ಧಾತುಗಳು[Elements]. ಸೂರ್ಯ,  ಮರ  ಮತ್ತು  ಮನುಷ್ಯ.  ಬೆಳಗುತ್ತಿರುವ ಸೂರ್ಯನು  ದೈವಶಕ್ತಿಯ ಸಂಕೇತವಾದರೆ, ತನ್ನ ವಿಸ್ತಾರವಾದ ಶಾಖೋಪಶಾಖೆಗಳಿಂದ ಕೂಡಿರುವ ಮರ- ಪ್ರಕೃತಿಯ ಸಂಕೇತ. ಮರದ ಟೊಂಗ...
Read more

END FOR THE DAY'S WORK....

Image
         ದಿನದ ಕಾಯಕದ ಸಮಾಪ್ತಿ...          ಕೆ.ಅರ.ಎಸ  ನ   ಹಿನ್ನೀರಿನ ಪ್ರದೇಶದಲ್ಲಿ ಕಂಡುಬಂದ ದೃಶ್ಯವಿದು.  ಅಲ್ಲಿರುವ ವೇಣುಗೋಪಾಲಸ್ವಾಮಿ ದೇವಸ್ಥಾನವನ್ನು ಚಿತ್ರಿಸಲು ಹಲವಾರು ಬಾರಿ ಎಡತಾಕಿದ್ದೇನೆ, ನನ್ನ ಮಿತ್ರ-ಬಾಂಧವರನ್ನೂ ಕರೆದೊಯ್ದಿದ್ದೇನೆ.  ಹಾಗೊಮ್ಮೆ  ಹೋಗಿದ್ದಾಗ ಕಂಡಿದ್ದು ಇದು. ಆ ದೇಗುಲದ ಹಿಂದೆ ಸ್ವಲ್ಪ ದೂರದಲ್ಲಿ ನದೀತೀರದಲ್ಲಿ ಸರಕು-ಸಾಗಣೆ ರಿಕ್ಷಾ ಒಂದು ನಿಂತಿತ್ತು.  ಅದರ ಯಜಮಾನನೂ ಕೆಲಸಗಾರನೂ ಅಲ್ಲೇ ಮಾತಾಡಿಕೊಳ್ಳುತ್ತಿದ್ದರು.  ನನಗೆ ಕೈ ಬೆರಳೂ, ಮನಸ್ಸೂ ಚಡಪಡಿಸಿದವು.  ಕ್ಯಾಮರಾ ಗುಂಡಿಯನ್ನೊತ್ತಿ  ಶಾಂತಿಯನ್ನು  ಹೊಂದಿದೆ.          ಇಡೀ ದೃಶ್ಯದಲ್ಲಿ ಇಬ್ಬರೇ ಇರುವುದು, ಈ ಸಮಯದಲ್ಲಿ  ಮತ್ತೆ ಇನ್ಯಾರೂ ಆ ಪ್ರದೇಶದಲ್ಲೇ ಇರಲಿಲ್ಲ.  ಹಾಗಾಗಿ ಅಲ್ಲಿ ಅವರಿಬ್ಬರದೇ ಏಕಾಂತ,   ಅವರೊಂದಿಗೆ ಮೂಕಶ್ರೋತೃವಾಗಿ ಅವರ ವಾಹನ.  ಇವಿಷ್ಟು ಬಿಟ್ಟರೆ ಮೇಲ್ತುದಿಯಲ್ಲಿ ಮುಳುಗುತ್ತಿರುವ ಸೂರ್ಯ ಮತ್ತು ಕೊನೆಯದಾಗಿ  ಮೂರು ಸ್ತರಗಳಲ್ಲಿ ವಿಸ್ತಾರವಾಗಿ ಹರವಿಕೊಂಡಿರುವ ಅವಕಾಶ[Space].  ಈ ದೃಶ್ಯದಲ್ಲಿ ಮುಳುಗಿಬಿಟ್ಟಂತೇ   ಕಾಣುವ ಸೂರ್ಯ, ನಿರ್ಜನವಾದ ವಾತಾವರಣ, ಸೂರ್ಯಾಸ್ತದ ಛ...
Read more