HOUSE AT HATTIHOLE..

     ಹಟ್ಟಿಹೊಳೆಯ ಮನೆ. 

        ಮಡಿಕೇರಿಯಿಂದ ಸೋಮವಾರಪೇಟೆಗೆ ಹೋಗುವ ರಸ್ತೆಯಲ್ಲಿ ಹಟ್ಟಿಹೊಳೆ ಎಂಬಲ್ಲಿ  ಒಂದು  ತೊರೆಯೂ ಅದಕ್ಕೊಂದು ಸೇತುವೆಯೂ ಇದೆ. ಕೋಟೆಬೆಟ್ಟಕ್ಕೆ ಚಾರಣಕ್ಕೆಂದು  ಹೋಗುವವರು ಇಲ್ಲಿಂದಲೇ ಎಡಕ್ಕೆ ಕವಲೊಡೆವ ದಾರಿಯಲ್ಲಿ ಸಾಗಿ  ಮುಂದೆ ಹೋಗುವರು.  ಆ ತೊರೆಯ ಪಕ್ಕದಲ್ಲೇ ಸಾಗುವ ದಾರಿಯೇ - ಇಲ್ಲಿ ಕಾಣುತ್ತಿರುವುದು.  ಅದರ ಪಕ್ಕದಲ್ಲೊಂದು  ಮನೆ!  [ ಅಲ್ಲಿರುವುದು ಅದೊಂದೇ ಮನೆಯಲ್ಲ,  ಒಂದು ಚರ್ಚು, ಒಂದು ಶಾಲೆ ಮತ್ತು ಇತರ  ಮನೆಗಳೂ ಇವೆ. ]

         ನನಗಿಲ್ಲಿ ಸ್ವಾರಸ್ಯವೆನ್ನಿಸಿದ್ದು,  ಇಡೀ ವಾತಾವರಣದಲ್ಲಿ ಸಹಜವಾದ ಬಣ್ಣಗಳೇ ತುಂಬಿವೆ.  ಮರಗಳ ಹಸಿರು, ಆಗಸದ ನೀಲಿ,  ಚಾವಣಿಯ ಹೆಂಚಿನ ಹಾಗೂ ನೆಲದ ಮಣ್ಣಿನ ಕೆಂಪು ಇತ್ಯಾದಿ ನೈಸರ್ಗಿಕವಾಗಿ - ಕೇವಲ ಕಾಣುತ್ತಿವೆಯಷ್ಟೇ  ಅಲ್ಲ:  ಇವೆ ಕೂಡಾ.  ಆದರೆ ವೈಯುಕ್ತಿಕ ಇಷ್ಟಗಳ  ಕಾರಣದಿಂದಲೋ, ವಾಸ್ತುಪ್ರಕಾರ ಎಂಬ ಉಪಾಧಿಗೆ ಅಂಜಿಯೋ ಅಂತೂ ಆ ಮನೆಗೆ ಹಚ್ಚಿರುವ ಬಣ್ಣ  ಸುತ್ತಲ ದೃಶ್ಯದ ಒಟ್ಟಂದಕ್ಕೆ ಪೂರಕವಾಗಿ ಹೊಂದಿಕೊಳ್ಳುತ್ತಿಲ್ಲ: ಪರಂತು,  ಹೊರತಾಗಿಯೇ ಉಳಿದುಬಿಟ್ಟಿದೆ!  ಚಿತ್ರಕಲಾವಿದನೊಬ್ಬನ ಕನವರಿಕೆಗಳಲ್ಲಿ ಹೀಗೊಂದು ರಮ್ಯಹರ್ಮ್ಯವು ಮೂಡಿ, ರಸಿಕರ ಮನಸ್ಸನ್ನು ತಣಿಸಬಹುದೇನೋ! ನೋಡುಗರಾದ ನಮಗೂ ಇದು ಆಕರ್ಷಕವೆನ್ನಿಸಬಹುದು,  

       ಆದರೆ,  ತಮ್ಮ  ಪರಿಸರವನ್ನರಿಯದೇ, ಅದರೊಂದಿಗೆ ಬೇರೆಯದೇ  ವಿತಂಡವಾದ ಹಾದಿಯಲ್ಲೇ ಸಾಗುವ, ಹಾಗೆ ಸಾಗಿಯೇ  ಎಲ್ಲರಿಗೂ ಆಕರ್ಷಕವನೆನ್ನಿಸಬೇಕೆಂಬ, ಆದರೆ ಆ ಪ್ರಕೃತಿವಿಕೋಪಾದಿಗಳಿಂದ  ಏನೂ ಹಾನಿಗೊಳಗಾಗಬಾರದೆಂಬ-  ವಿಪರ್ಯಾಸದ  ತುಡಿತಗಳನ್ನಿಟ್ಟುಕೊಂಡಿರುವ   ನಮ್ಮಗಳ   ಮನಸ್ಥಿತಿಯ  ನಗ್ನಚಿತ್ರಣವಲ್ಲವೇ ಇದು?